عبير ضيف كرسي الاعتراف

اهلا وسهلا فيكي يا احلى عضوة في المنتدى منورة كرسي الاعتراف



ما راح اثقل عليكي بالاسئله وان شالله تكون اسئلتي قليله وخفيفه عليكي



والسؤال الي ما بعجبك اتركيه

شكلي راح اتتركك على الاسئله هاي شو بدي الحق ؟؟؟

بداية ان شالله تكوني بخير ومبسوطه وكيف يومك ان شالله حلو

حلو كتير

يالله بداية بدي اسئلك كم من سؤال صغار ومو كثار ولما يخطر عبالي اسئله ثانيه راجعيتلك وراح اضل اسئلك حسب نشاطك بالاجابات

شووووووووووو هدول خطرو على بالك خاطرة بس ؟؟!!! لا كتر الله خيرك

شو السبب الي خلاكي تتعلقي بالمنتدى؟؟_1
الاعضاء علي و جوردن و ادمن و ملكة و شعنونة و محمد العجوري و حمودة و سوسو و سما الروح و الخ....

مين بتعتبريه انو قدوتك بالحياة؟؟_2
بابا
شو الاشي الي بخليكي تتعلقي بالشخص ،الاسلوب بالحديث ولا شخصيتو ولا شكلو؟؟_3

اسلوبه بالحديث دائما و ابدا

شو بتستفيدي وانتي بتدردشي مع اي شخص تسلايه ولا تعارف وبس ولا بكون في هدف؟؟_4
مممممم ليش هيك شو هسؤال بصراحة في اشخاص بدردش معاهم لهدف
ليش بتحبي الصداقه كثير مع انو ممكن يكون الشخص بضحك عليكي وبس بدو يتسلى وبس؟؟_5

بدور على صديق حقيقي لانو عنجد صرت وحيدة و ما بوثق باصدقائي الي كانو اصدقائي
ليش بتحبي تجمعي الحكم والامثال مع انك مو كثير بتحبي الشعر؟؟_6
اول شي بس بجع الحكم و بحب اجمعهم لانو بستفيد منهم بالحديث و لهيك دائما حديثي مع الاشخاص مقنع
ليش بتحكي عن حالك انك هبله كثيرمع اني بشوفك غير هيك؟؟_7

لاني طيبة و بنضحك علي بسرعة

8_شو رأيك بهالزمن ؟؟
غدار و ما بينفع انعيش فيه
9_ليش بتدافعي عن ناس كثير مع انهم سيئاتهم كثير مثلا مغني ممثل؟؟
لا بس انا مو بس عن ممتل و مغني و مو عن الكل بس في ناس بكونو عملو بحياتي بصمة و ما بنسالهم اياها حتى لو ما كانو قاصدين يفيدوني
10_ليش بتحبي الاغاني شو بتحسي فيهم اشي مفيد ولا بس هيك آثام وبس؟؟
هههههههههههه لا بحب الاغاني لانو ما بعرف فيها طرب و كلام حلو و اصواتهم حلوة و تنحكي بمناسبات كتير
11_ليش بتحبي تظهري للناس بأنك سيئه مع انو شخصيتك كثير حلوة ومحبوبه؟؟
مو للكل بس الي بتحداني ببينله اني مستسلمة و سيئة مو لاني ما بحب التحدي بس هاد التحدي بعينة
12_شو اكثر صفه بتحبيها بحالك؟؟
كريمة
13_وشو الصفه الي حابه تتخلصي منها؟؟
الطيبة و الكدب بس مو كتير بكدب
14_انتي بتحكي انك ما بتعترفي بإشي اسمو حب طيب ليش ببعض الاسئله مثل:لو خيروك بين حبيبك وبين اعز صديق،انتتي حكيتي حبيبي ، ليش؟؟
لانو الحبيب عندي هوة الزوج لانو ما في حب هاي الايام
15_مين الشخص الي ظلمتيه كثير وبتتمني لو يرجع الزمن لورى وتغيري من تصرفاتك معو؟؟
ماما حبيبتي
16_هل ندمتي في حياتك على شيء معين؟؟
اه اخسرت صديقة
17_شو اصعب المواقف الي مريتي فيها؟ظ
مو ضروري ....
18_دمعه سقطت من عينك من كان سببها؟؟
وحدة خاينة
19_هل دائما بكون من الطرف نفسو لما تعيطي؟؟
لا
20_شو امنيتك بالحياة؟؟
يو على هاد السؤال جاوبته اكتر من مليون مرة نفسي بابا يوافق يخليني ادخل مجال السياسة في المستقبل
21_مين اقرب الناس الك؟؟وليش؟؟
اختي و ماما و في كمان ناس بس انسي
22_يوم بتتذكريه بشعرك بالحزن؟؟
مو ضروري
23_شو بتعنيلك الصداقه؟؟
خاينة
24_شو الهدف من وجودك بهاض المنتدى؟؟
استفيد و اتعرف على اصدقاء و اتسلى
25_شو بتعنيلك الصداقه بين الشب والبنت؟؟
كذبة الا اذا كان في حدود
26_ليش بتخافي من الصراصير وكأنهم وحوش والحشرات كمان كانهم اشباح نفسي اعرف ليش؟؟
هههههههه بايخة ههههههههه والله ما بعرف من يوم يومي بخاف منهم حتى النمله بخاف منها الله و اعلم ليش يعني حتى و هية الحشرة ميتة ما بمر من جمبها
27_متى بتتمني تموتي؟؟وليش؟؟
ما بعرف مرات بحس انو هلا بس مرات بحس انو الناس الي بحبوني ما بدي ابعد عنهم
28_كم عمر اغلب صديقاتك؟؟
20 الي 28
29_على اي اساس بتختاري صديقاتك؟؟
على المرح و الاخلاق و طريقة كلامهم
30_لو يحكولك ممكن نرجعك لاي عمر بحياتك ،لاي زمن بتحبي ترجعي؟؟
بحب ارجع لعمر 6 سنوات بس بتمنى انو لما اكبر بس يكون تغير اشياء بسيطة بحياتي لانو انا سعيدة و راضية بحايتي الا بعض الاشياء
31_كيف صرتي مدمنة نت؟؟او بالحرى شو الي جاب النت عالبيت؟؟وبدي اجابه اذا ممكن للسؤالين
ههههههه النت اله زماان عنا بس بلشت استخدمه بعد مسلسل سنوات الضياع عشان انزل صور لميس لاني بعشقها كنت ههههههه هبل مو اكتر
33_في حد بحياتك ندمتي انك عرفتيه؟؟
اه كتااااااااااااااار
34_مين الاشخاص الي اثروا ع حياتك كثير بدون ما تشوفيه؟؟
صديق اتعرفت عليه على النت اسمه محمد و فعلا غير بحياتي بس هلا ما بعرف وين راح بطلت احكي معاه و بعدين معاذ و بعين علي
35_هل ممكن الصداقه بين الشب ولبنت انها تتحول لحب؟؟
اكيد ممكن تتحول لحب و الله يجيرنا
36_ما رأيك بالحجاب؟؟
حلو بس بخنق مرات بس كرامة للبنت انها غالية و مو ديكووور في الدنيا
37_بأي حالات ممكن تكذبي؟؟
اذا بدي من ماما شي و اذا مخبية على ماما شي و اذا اغلطت و بدي انجي حالي بس مع هيك مووو كتير بكدب و مو على اي شخص على الاغلب على ماما بس هههههه
38_لو كان في اشخاص نسيتيهم من حياتك ممكن تفكري ترجعيهم اذا تذكرتي موقف من المواقف كانوا محقين فيه؟؟
طبعا و نفسي ارجع لاشخاص كتار بهاي الدنيا لانهم علموني كتير
39_شو الاشي الي ممكن يخليكي تحكي عن اي شخص انو سيء؟؟وشو الي بخليكي تحكي عن الشخص الفلاني انو مليح؟؟
حسب الشخص بس اكتر شي الجامدين و الي عصبين و الي بحكو بدون ما يفهمو بحكي عنهم سيئين و الي العكس مناح
40_نصيحه بتنصحيها لأي بنت؟؟
اصدقائك البنات حاولي اختاريهم منيح لانهم البنات مخادعات
41_نصيحة بتنصحيها لأي شب؟؟
هههههههههه يحط عقله براسه و يعرف خلاصه
42_شو الحكمه او المثل الي بتعتبريها مثال لكل اشي بالحياة؟؟
ما في مثل بعتبر كل شي بالحياة بس انا بحكي احذر من عدوك مرة و من صديقك الف مرة
43_ليش الشخص الي بعز عليكي بتحكيلو بايخ او زنخ؟؟
ههههههههه انا بحكي بايخ للي بحبهم كتير و لما يعملو شي فيه تقلة دم بحكيلهم زنخ اما بايخ انو شي خفيف دم متعودة هيك ما بعرف
44_مين بتحسيه انو قدوتك بالحياة بعد الرسول عليه افضل الصلاة واتم التسليم؟ظ
باااااااااابااااااااااااا و ماما
45_كم جزء حافضه من القرآن؟؟
مو حافظة ولا جزء
46_بتقطعي بالصلاة؟؟
اه من جديد صرت اقطع بالصلاة و هاد الشي مدايقني
47_ليش لما يكون تفكيرك صح باي اشي بتتصرفي بعكس الي بتفكري فيه والعكس لما تكوني بتفكري غلط بتتصرفي صح؟؟
لاني مترددة كتييييييييير
48_شو الهدف الي بخليكي تحضري الافلام؟؟
تسلية و على فكرة كتير اتعلمت من الفلام اشياء كتير و قصص واقعية يعني الانسان بستفيد من كل شي حوليه
49_انو بتحبي تحضري اكثر الافلام العربيه ولا الاجنبيه؟؟
العربية و شوي اجنية حسب نوع الفلم الاجنبي
50_شو الاسلوب الي بخليكي تتعلقي بأي شخص؟؟
حكيتلك تاني سؤال اسلوبه بالحديث يعني واقعي بالحديث ما بخلط بين الجد و المزح ما بدخل بمليون موضوع مع بعض ما بيستهزء بكلام حدى و ما بفرق عنده العمر اهم شي يكون الانسان الي بيحكي معاه مثقف و عارف شو بحكي
51_لما يكون في لنسان شخصيتو قريبه كثير لشخصيتك بتكرهيه ولا بتحبيه ؟؟وليش؟؟
هههههه بحبه كتييييييييييير ما بعرف كتير من فكر نفس التفكير و نفس التصرفات بس ما منتفق مع بعض و دايما مشاكل اكيد
52_بـتآمني بالابراج؟؟وليش؟؟
بامن و ما بامن يعني بحب اعرف شخصية كل برج بس تنبؤات الابراج السنوية و اليومية ما بامن فيها
53_ليش
ما بتحبي تكوني طيبه مع انو الرسول عليه الصلاة والسلام كان طيب وحنون بلا
تشبيه بس اي شيء من صفات الرسول عليه الصلاة والسلام بكون نعمه
كبييييييييييييييييييييييييييييييييييييييييييييييييرة من الله عز وجل؟؟
لانو الطيبة بهاد الزمن خطيرة و انا عشان طيبة زيادة عن الزوم بخاف من الطيبة و ما بحبها
54_هل من الممكن ان تتعرفي على شخصية اي انسان من اسئلته او ردودو او اجوبتو؟؟
اها في اغلب الاحيان بتعرف على النسان هيك بس مرات بطلع غلطانة
55_بتحبي القراءة؟؟
اها كتييير
56_شو الكتب الي بتحبي تقر~أيها ؟؟او شو نوعها مثلا:دينيه، سياسيه، ثقافه عامه ،علم نفس؟؟
سياسية نمبر 1 و علم نفس نمبر 2 و دينية نمبر 3 و يعدين يمكن اقرا ثقافة عامة
57_انتي بتعتبري حالك سطحيه؟؟
لا بالعكس كل شيء بدور اله على الجذور و لهيك مخي متعبني
58_هل ممكن تستفيدي وتتعرفي على شخصيتك انتي من اسألت غيرك يعني(الاعضاء)او غيرهم؟؟
لا ما بعرف شخصيتي من الاسئله
59_طيب انتي بتحكي انك بتكرهي تامر حسني ليش بتدافعي عنه؟؟
معجبة فيه و ما بدافع عنه يعني فرحت انو اخد جائزة اول مبارح على مستوى العالم
(**_وهسا هاض السؤال الي مجبورة تجاوبي عليه_**)


60_اذكري قصة حياتك في موجز يتضمن خمسه عشر صفحه على الاقل؟؟
هاد الي بتحلمي فيه يا قمري انتي لو تموتي ما بكتبلك شي هههههههه

بعرف انها اسألتي هبله وما بتهمك بس بتهمني كثير

طيب شاطرة اسئلتك في منها حلوة كتييييير

للأسف أسألتي قليله بعرف بس لما الاقي كمان اسأله راجعيتلك ويمكن بعد ما تجاوبي ع هدول الاسئله الله اعلم

قليلة و لك قليلة بلاش انط على راسك اموتك منك لله
بس سؤال اخير شو بتحبي تكون نوع الاسأله؟؟

ولا شي كتر الله خيرك ههههه لا حبيبتي متل ما بدك ما بتفرق عندي يااااا قمممري

وبتتركك يا قمري تجاوبي ع الاسئله